ملاك الروح

اهلا بكى يا احلى بنوته ارجو الاستمتاع مع احلى بنات فى احلى منتدى

ومع اسرتك وبيتك الثانى اسرة ملاك الروح
احلى الاوقات معانا وبس
مستنيه ايه يلا بسرعة شاركينا عن طريق التسجيل ولو عايزة تعرفى طريقة التسجيل ادخلى على قسم مملكة البنات

وخدى جائزتك بسرعة اللى يعمل0 1 موضوع واحد ياخد وسام التميز
يلا شاركينا عرض مايتفوتش
ملاك الروح

.:=-[ منتديات ملاك الروح]=-:.

نتمنى الاستمتاع فى منتدى ملاك الروح منتدى لكل البنات ارجو الاستمتاع ومشاركتنا يلا شاركينا بسرعة

 

ملاك الروح:اهلا اهلا نورتى منتدانا بجد نفسنا تشاركينا وهلا ومليون غلا ملاك الحب: اهلا بكل الاعضاء والزوار اتمنى لكم قضاء امتع وقت مع منتدى ملاك الروح ملاكــ النور: اهلا بيكى نتمنى انك تستمتعى معنا وتستفيدى بمواضيعنا واكيد هتفيدينا كمان

    صور وحوار منه عرفه

    شاطر
    avatar
    ملاك النور
    نائبة المديرة
    نائبة المديرة

    mms : ملاك النور(بنوته)
    انثى الاسد عدد المساهمات : 401
    تاريخ التسجيل : 01/07/2010
    العمر : 24
    الموقع : مصر ام الدنيا

    صور وحوار منه عرفه

    مُساهمة  ملاك النور في الثلاثاء أغسطس 03, 2010 4:15 pm

    السلام عليكم ورحمة الله وبركاته وبسم الله الرحمن الرحيم انا اليوم جبت لكم صور للبنوته الاموره الممثله الصغيره الاموره منه عرفه وحوار معاها اترككم مع الصور والحوار














    اترككم مع الحوار



    [size=21]حوار لها منقول من جريدة " المصري اليوم "
    .. قوليلي.. انت عندك كام سنة؟
    - ٧ سنين.


    .. وفي مدرسة إيه؟
    - في مدرسة السادات سنة أولي.

    .. وبتحبي المدرسة ولا التمثيل؟
    - ولا المدرسة ولا التمثيل أنا نفسي أدخل كلية الفنون
    الجميلة، علشان أطلع رسامة لأني بحب الرسم من وأنا بيبي وبعرف أرسم علي
    الكمبيوتر والورق من غير ما حد يعلمني، وكمان بحب الباليه بس مستنية أكمل
    التسع سنين علشان أخش مدرسة الباليه.


    .. يعني مش بتحبي التمثيل؟
    - لا بحبه لكن الرسم أكتر حاجة.

    .. ولو مجموعك صغير وسقطت في اختبارات الكلية هتعملي إيه؟
    - هكلم وزير التربية والتعليم وأخليه يدخلني.

    .. بس أنا عارف إنك بتحبي اللعب أكتر حاجة؟
    - بصراحة آه وبحب اللعب أكتر من التمثيل لأن التمثيل مرهق ومش بيديني فرصة أتسلي أو ألعب وبفرح لما يبقي فيه إجازة.

    .. وهل مسلسل السندريللا أول عمل؟
    - لا أنا بشتغل من وأنا عندي ست سنين في الكليبات والإعلانات بس كانت أدوار صغيرة.

    .. وإزاي اترشحتي لمسلسل السندريللا؟
    - عرفت أن سمير سيف بيدور علي أطفال ورحت قابلته وماكنتش
    أعرف إنه بيدور علي السندريللا وكنت فاكرة أنه إعلان.. وقعد اتكلم معايا
    علشان يشوف بعرف أتكلم ولا لأ وقابلني مرتين وبعدين وافق علي.


    .. وانتي متصورة اختارك ليه؟
    - علشان أنا شبه السندريللا.

    .. ياسلام؟
    - اللي شايف كده براحته واللي شايف غير كده براحته برضه.

    .. وبتحبي المسلسل أكتر ولا فيلم «مطب صناعي»؟
    - بصراحة بحب الفيلم علشان استمتعت فيه وكان دوري كبير وكنت مبسوطة بالشغل مع الكاست كله ولكن المسلسل كان طويل وممل شوية.

    .. طب إيه رأيك في مني زكي؟
    - اسمها طنط مني.

    .. ماشي ياستي إيه رأيك في طنط مني زكي؟
    - ممثلة جميلة وأداءها حلو وكانت بتتكلم معايا علي طول وهي اللي رشحتني لفيلم «مطب صناعي».

    .. وإيه رأيك في أنكل أحمد حلمي؟
    - تمثيله حلو وأداؤه حلو وأنا حبيته وبحب أمثل معاه وياريت
    أمثل معاه تاني هو وأنكل وائل احسان علشان لما شافني بمثل حلو زود لي مشاهد
    كتيرة في الفيلم.


    .. وإيه أكتر المشاهد اللي بتحبيها في «مطب صناعي»؟
    - لما كان بيتكلم في التليفون مع نور وأنا كنت بغتت عليه
    علشان كنت بضرب فيه بجد وبعد ما خلص المشهد قلت ياريت يتعاد تاني وكمان بحب
    المشهد اللي بضربه فيه بالشومة علي راسه في الأغنية علشان أنا بحب مشاهد
    الهزار والضرب.


    .. وإيه بقي أصعب مشهد؟
    - لما كنت بغرق في البيسين لأني مش بعرف أعوم وسابوني كتير
    في الميه لحد ما شربت منها كتير وتعبت وقعدنا نصور في المشهد لمدة يومين
    علشان كده كان صعب أوي أوي.



    .. وازاي بتختاري الأدوار؟
    - بشوف الدور اللي بحبه واللي يناسبني ويكون علي أدي وكمان يكون الكاست عاجبني.

    .. هو انتي بتعرفي تقرئ؟
    - لا لكن ماما بتقرأ كل الأعمال وأنا بختار منها اللي
    يناسبني واللي بحبه لأني رفضت أعمل برنامج علي قناة فضائية لأن الكاست ما
    عجبنيش.


    .. ولو فيه دور مش عاجبك وماما وافقت عليه هتعملي إيه؟
    - هعمله طبعاً علشان لازم أسمع كلام ماما.

    .. بس أنا عرفت انك مش عايزة حد يحت***؟
    - أيوه علشان أنا لسه بيبي لما أكبر احتكروني لأن أنا عايزة أشتغل دلوقتي مع كل الناس وماينفعش أشتغل مع واحد بس.

    .. انت بتعملي إيه بفلوس التمثيل؟
    - بعدما بخلص الفيلم بروح اشتري لعب كتير وكمان هدوم جديدة علشان ما ينفعش أطلع في كل الأفلام بطقم واحد.

    .. ومش بتحوشي؟
    - أنا مرة حوشت ٢٠٠ جنيه علشان أجيب لماما هدية عيد الأم ودلوقتي محوشة ٢٥٠ جنيه علشان أجيب لها ساعة في عيد الأم اللي جاي.

    .. ومين اللي بيجيب لك في عيد الحب؟
    - ماما بتجيب لي في عيد الحب وأنا بجيب في عيد الأم.

    .. عايزة تقولي إن مفيش حد من أصحابك الأولاد بيجيبلك وردة؟
    - أنا معنديش أصحاب أولاد لأني مش بحبهم علشان في ولد رخم
    معايا في العمارة كل ما يشوفني يقوللي فيلمك رخم ومش عاجبني وأنا كرهت كل
    الأولاد بسببه ولو واحد قاللي بحبك هقوله «حبك برص».


    .. يعني مش هتتجوزي؟
    - لا هتجوز طبعاً بس لما أكبر وأحس بأنوثتي وأبقي شابة وألاقي حد يحبني وأحبه.

    .. وإيه بقي مواصفات فتي أحلامك؟
    - نفسي يكون غني علشان يشتري لي لعب كتير ويفسحني في
    وندرلاند وكمان يبقي شاب أمور وعينيه ملونة ويسمع كلامي ومش يزعلني ولا
    يكرهني ويجيبلي فيلا حلوة.


    .. هي الشهرة غيرتك؟
    - كل أصحابي بيقولوا لي علي فكرة انتي اتغيرتي وبقيتي مغرورة قلت لهم أنا.. لا أنا ماتغيرتش
    وماما قالت لي الي بيقولك كده هم الي مقهورين وسيبك منهم




    وهذي بعض صورها
    [/size]







    هنا في مسلسل راجل وست ستات







    هذي في تكريم فيلم ( مطب صناعي) هي واحمد حلمي







    النهايه

    يارب تكون اعجبتكم صور والحوار مع نجمة النجوم منه عرفه


    عدل سابقا من قبل ملاك النور في الأحد أغسطس 08, 2010 1:55 pm عدل 1 مرات
    avatar
    ملاك الروح
    المديره العامه
    المديره العامه

    mms : ملاك الروح احلى بنوته
    انثى السرطان عدد المساهمات : 356
    تاريخ التسجيل : 30/06/2010
    العمر : 24
    الموقع : ام الدنيا

    رد: صور وحوار منه عرفه

    مُساهمة  ملاك الروح في الأربعاء أغسطس 04, 2010 11:52 am

    الحوار جميل جدا يا ملاك النور بس يضحك شويه بس منه عرفه عسوله ومش مغروروه بالعكس باين انها كويسه والصور روعه شكرا يا ملاك النور على مجهودك الرائع ثااااااااااااااااااااانك يو
    avatar
    ملاك النور
    نائبة المديرة
    نائبة المديرة

    mms : ملاك النور(بنوته)
    انثى الاسد عدد المساهمات : 401
    تاريخ التسجيل : 01/07/2010
    العمر : 24
    الموقع : مصر ام الدنيا

    رد: صور وحوار منه عرفه

    مُساهمة  ملاك النور في الجمعة أغسطس 06, 2010 2:15 pm

    السلام عليكم ورحمة الله وبركاته وبسم الله الرحمن الرحيم
    شكرا لكي ياملاك الروح على اهتمامك الجميل بالموضوع وردودك الحلوه
    شكرا لكي مره تانيه
    مع تفوق دائم
    باذن الله
    مع التحيات
    ملاك النور
    avatar
    سوسو
    نائبة المديرة
    نائبة المديرة

    انثى العذراء عدد المساهمات : 93
    تاريخ التسجيل : 26/07/2010
    العمر : 24
    الموقع : مصر

    رد: صور وحوار منه عرفه

    مُساهمة  سوسو في السبت أغسطس 07, 2010 5:52 am

    شكراااا لملاك النور على الموضوع الجميل ده وانا كنت بضور على صور ليها ومكنتش لسه قراتو


    الموضوع الجميل ده ولما قرايتو عجبنى جداا وعجبنى الحوار بتاعها وعجبتنى الصور اكتر


    بس انا عندى سؤال


    مش سنها اصغر من جسمها وشكلها؟؟؟



    وشكراااا على الموضوع الجميل ده يا ملاك االنور








    مع تحياتى (سوسو) وشكراا مره تانيه على الموضوع الاكترمن رائع ده


    avatar
    ملاك النور
    نائبة المديرة
    نائبة المديرة

    mms : ملاك النور(بنوته)
    انثى الاسد عدد المساهمات : 401
    تاريخ التسجيل : 01/07/2010
    العمر : 24
    الموقع : مصر ام الدنيا

    رد: صور وحوار منه عرفه

    مُساهمة  ملاك النور في الأحد أغسطس 08, 2010 10:12 am

    شكرا لكي ياسوسو على اهتمامك بالموضوع وردودك الجميله ده
    شكرا لكي مره تانيه على الاهتمام والردود

      الوقت/التاريخ الآن هو الجمعة نوفمبر 24, 2017 11:31 am